Cedrus

Shtëpia e ndërtuar në vitet 1970 në një periferi të Selanikut është transformuar falë vizionit dhe dizajnit të studios arkitekturore OpsisArchitects, e cila e ka shndërruar atë në një rezidencë bashkëkohore që përmbush nevojat e kohës sonë. Cedrus rrezaton një ndjenjë qetësie dhe harmonie.

Sipas studios arkitekturore, aspektet kryesore mbi të cilat është bazuar dizajni ishin rikthimi i marrëdhënies së ndërtesës me mjedisin përreth dhe përmirësimi bioklimatik, estetik dhe funksional si një tërësi e hapësirave të mbyllura, kalimtare dhe të hapura”.

Përmes ndërhyrjeve të rëndësishme – si rikthimi i diferencës së lartësisë ndërmjet katit përdhes dhe kopshtit, si dhe vendosja e kornizave të avancuara rrëshqitëse prej alumini që mbulojnë hapësira të gjera – hapësirat e brendshme dhe të jashtme janë unifikuar, duke funksionuar tani në një kuadër të vetëm me vazhdimësi vizuale dhe funksionale.

Njëkohësisht, hapësira e brendshme është ridizajnuar me fokus tek rehatia. Parapetet e vjetra dhe hyrja kryesore janë zëvendësuar – është vendosur një derë e re e veçantë pivot prej alumini – ndërsa ambienti i jashtëm është rikonfiguruar me instalimin e pergolave bioklimatike dhe krijimin e hapësirave kalimtare të këndshme dhe të hijëzuara.

Të gjitha këto elemente e bëjnë Cedrus një rezidencë shembullore që ofron cilësi të lartë jetese për banorët e saj.