DOC - Shtëpi e përkohshme mbi ujë

Lime Studio në momentin e dizenjimit të DOC ka marrë në konsideratë dy nevoja kryesore, krijimin e një shtëpie multifunksionale të pozicionuar në një vend të jashtëzakonshëm. E kjo u arrit! DOC është një shtëpi kompakte me një impakt të ulët në mjedis e cila...është pozicionuar në një vend unik: kanalin shpërndarës Borcea në Rumani.

Vendndodhja dhe dëshira e një lloji të ri banese - një shtëpi lundruese, shumëfunksionale, e lëvizshme - imponuan kushte të veçanta dhe komplekse konstruktive. Variacionet e nivelit të lartë të ujit të lumit për shkak të ndryshimeve sezonale si dhe kushtëzimi i buxhetit kanë rezultuar në ndërtimin e një platforme si rimorkio që mund të zhvendoset. Shtëpia po u përgjigjet ndryshimeve sezonale dhe ndryshimeve në to. Dizajni i thjeshtë dhe minimal eshte imponuar nga lëvizshmëria e tij. Kompakt dhe me një plan të thjeshtë, drejtkëndor, hapësira merr një ndjesi spektakolare përmes mënyrës së integrimit me vendndodhjen, duke e komplimentuar atë. Pamja është e mahnitshme dhe imazhet që vijnë çdo ditë përmes dritareve të gjera dhe oborrit janë vërtet mbresëlënëse. Edhe pse shumë i hapur, ai siguron plotësisht privatësi nga ambienti i jashtëm në ambientin e brendshëm, duke ofruar një pamje të papenguar të qytetit përmes pozicionimit të tij. Shumëfunksionaliteti i tij i strehimit të përkohshëm dhe pikave të takimit për dashamirët e sporteve ujore hap perspektiva të reja për  eksplorimin e një zonë të harruar dhe të pazbuluar - lumin Danub dhe zonën Calarasi. Proçesi i ndërtimit filloi duke marrë në konsideratë një ide, vendndodhjen unike dhe një komunitet që pëlqen të qëndrojë mbi ujë duke shfrytëzuar plotësisht një ponton të braktisur që është përshtatur me nevojat aktuale.

Arkitekt: Studio Lime